Бернарду Силва: Доннарумма менга Куртуа даражасини эслатади
"Манчестер Сити"нинг тажрибали ярим ҳимоячиси Бернарду Силва янги жамоадоши, италиялик дарвозабон Жанлуижжи Доннарумма ҳақида қизиқ фикрлар билдирди. Унга кўра, ёш кипернинг услуби ва майдондаги ҳукмронлиги уни "Реал Мадрид"нинг машҳур посбони Тибо Куртуа билан солиштиришга мажбур қилган.
«Жижи ҳақиқатан ҳам менга Куртуани эслатади. Узун бўйли, катта қиёфали йигит. Эътиборлиси, у ҳали ҳам ёш — атиги 26 ёшда. Аммо шунга қарамасдан, у анча йиллардан буён юқори савияда майдонга тушиб келмоқда.
Биласизми, янги жамоангиздаги илк баҳсда кўпинча асабийлик туфайли ўзингизни йўқотиб қўйишингиз мумкин. Бироқ Доннаруммада буни сезмадим. У дарвозада ўзини жуда ишончли ва хотиржам тутиб, жамоага катта ишонч бағишлади.
Бундай даражадаги посбоннинг орқангизда бўлиши жамоа учун улкан устунликдир», — дея таъкидлади португалиялик футболчи.
Бернардунинг ушбу сўзлари "Сити"нинг янги посбонига бўлган ишончни янада оширди ва мухлислар ҳам Доннаруммадан катта кутилмаларга эга бўлишмоқда.