Биометрия онлайн-имтиханнарда шәхесне раслау ысулы булырга мөмкин

Бердәм биометрия системасы операторы булган биометрия технологияләре үзәге онлайн-имтиханнар вакытында биометрия буенча студентларның шәхесен раслау сервисын булдыру буенча эшли. Үзәк башлыгы Владислав Поволоцкий хәбәр иткәнчә, сервисны эшләтеп җибәрү кышкы сессиягә планлаштырыла. Бу хакта РИА Новости хәбәр итә.

Ул яңа технологияне куллану ирекле булачак диде. Аның сүзләренчә, моны эшләүнең максаты – студентларның имтиханнарны дистанцион рәвештә, конкрет территориягә бәйле булмыйча тапшыра алуы һәм нәтиҗәләрнең дөреслегендә шик тудырмау.