Галимнәр Кояшта көчле кабыну теркәгән
20 сентябрьгә каршы төндә Кояшта M1.5 класслы кабыну теркәгәннәр. Бу хакта гамәли геофизика институтында хәбәр иттеләр, дип яза ТАСС.
Белгечләр мәгълүматы буенча, Мәскәү вакыты белән 00:41 сәгатьтә рентген диапазонында 4216 (N07W25) таплар төркемендә 38 минут дәвам иткән M1.5 классы кабыну теркәлгән.
Алдарак Россия Фәннәр академиясенең Космик тикшеренүләр институтының кояш астрономиясе лабораториясендә хәбәр итүләренчә, кояш активлыгы әкренләп арта бара.
Кояштагы кабынулар рентген нурланышы куәтенә бәйле рәвештә биш класска бүленә – А, В, С, М һәм Х. Минималь А0.0 дәрәҗәсе Җир күчәрендә 1 квадрат метрга 10 нВт нурланыш куәтенә туры килә. Киләсе хәрефкә күчкәндә күрсәткеч 10 тапкырга арта.
Мондый кабынулар плазма чыгаруга китерә һәм ул Җиргә кадәр җитеп, магнит давыллары китереп чыгара.