Татарстанлылар кайбер очракларда беренчел взнос түләмичә ипотека рәсмиләштерә ала

Ипотекага торак сатып алу өчен беренчел взнос кирәк, ул фатир яисә йорт бәясенең бер өлешен каплый. Әмма кайбер очракларда гражданнар ипотека кредитын беренчел кертемнән башка да рәсмиләштерә ала. Моны ничек эшләргә – «Татар-информ» материалында.

Ипотека буенча беренчел кертемнең һәм аның беркетелгән күләменең мәҗбүри булуы турында законнарда бердәм мәҗбүри кагыйдәләр билгеләнмәгән. Шуңа да карамастан, кайбер ипотека программаларында мондый шарт булырга мөмкин.

Практикада бүген банклар ипотека кредитын старт түләүләреннән башка бик сирәк бирә, әмма махсус тәкъдимнәр бар.

Ипотеканы беренчел кертемнән башка рәсмиләштерүнең мөмкин булган вариантлары:

- төзүчеләрдән акцияләр: кайбер девелоперлар банклар белән берлектә ипотеканы беренчел взноссыз рәсмиләштерергә мөмкинлек бирә торган программалар булдыралар. Кагыйдә буларак, бу реклама яки партнерлык кампаниясенең бер өлеше.

- хәрби ипотека: әлеге программа буенча финанслау тулысынча яки өлешчә дәүләт тарафыннан башкарыла, бу исә кешегә башлангыч этапта шәхси акчаларын тотмаска мөмкинлек бирә.

- альтернатив чыганаклар: шәхси тупланма урынына ана капиталын, торак яки автомобиль сатудан алынган акчаларны, шулай ук башка финанс ресурсларын кулланырга мөмкин.