Октябр ойи ММА майдонида супер жангларга бой бўлади
Октябр ойи ММА оламининг энг қизиқарли даврларидан бирига айланиши кутилмоқда. Бу ойда турли промоушенлар доирасида дунё юлдузлари октагонга чиқишади ва миллионлаб мухлислар интизор бўлиб кутган тўқнашувлар ўтказилади. Қуйида энг асосий баҳслар рўйхати билан танишишингиз мумкин.
3 октябрь. «PFL Dubai»
Дубайда ўтказиладиган турнирда қатор қизиқарли тўқнашувлар ташкил этилган. Унда россиялик машҳур жангчи Усман Нурмагомедов ирландиялик рақиби Пол Хьюзга қарши реванш жангини ўтказади. Шунингдек, ҳамюртимиз Мирафзал Ахтамов ҳам октагонга чиқиб, бразилиялик Луан Андре Сардинья билан беллашади.
- Усман Нурмагомедов – Пол Хьюз (реванш);
- Мирафзал Ахтамов - Луан Андре Сардинья.
4 октябрь. «UFC 320»
Бу кун UFC тарихида катта қизиқиш уйғотадиган турнир сифатида ёдда қолиши мумкин. Сабаби, россиялик жангчи Магомед Анкалаев ва бразилиялик нокаутчи Алекс Перейра ўртасидаги реванш баҳси катта қизиқиш билан кутилмоқда. Шу билан бирга, грузиялик Мераб Двалишвили америкалик Кори Сэндхагенга қарши куч синашади. Чехия юлдузи Иржи Прохазка эса тажрибали Халил Раунтрига қарши октагонга чиқади.
- Магомед Анкалаев – Алекс Перейра (реванш);
- Мераб Двалишвили - Кори Сэндхаген;
- Иржи Прохазка – Халил Раунтри.
11 октябрь. «UFC Rio»
Бразилия майдонида мухлисларни улкан кутилган жанг кутиб турибди. Собиқ чемпион Чарльз Оливейра поляк жангчиси Матеушь Гамрот билан куч синашса, яна бир тажрибали бразилиялик Дейвисон Фигейредо америкалик Монтель Жексонга қарши баҳс олиб боради.
- Чарльз Оливейра – Матеушь Гамрот;
- Дейвисон Фигейредо – Монтель Жексон.
18 октябрь. «UFC Vancouver»
Канададаги турнирда тажрибали голландиялик Ренье Де Риддер америкалик Брендан Алленга қарши октагонга чиқади. Шунингдек, UFC мухлисларининг севимли жангчиларидан бири Кевин Холланд маҳаллий спортчи Майк Мэлоттга қарши баҳс қилади.
- Ренье Де Риддер – Брендан Аллен;
- Кевин Холланд – Майк Мэлотт.
25 октябрь. «UFC 321»
Ойнинг энг йирик турнирларидан бири шу санада бўлиб ўтади. Унда британиялик оғир вазн вакили Том Аспиналл франциялик машҳур жангчи Сирил Ган билан куч синашади. Аёллар ўртасидаги муҳим тўқнашувда бразилиялик Вирна Яндироба америкалик Маккензи Дёрнга қарши беллашади. Шунингдек, россиялик оғир вазн вакили Александр Волков бразилиялик Жаилтон Алмейда билан жанг қилади. Ёш ва иқтидорли Александр Ракич дағистонилик Азамат Мурзакановга қарши куч синашса, яна бир доғистонилик юлдуз Умар Нурмагомедов америкалик Марио Баутиста билан октагонга чиқади.
- Том Аспиналл – Сирил Ган;
- Вирна Яндироба – Маккензи Дёрн;
- Алекскандр Волков – Жаилтон Алмейда;
- Александр Ракич – Азамат Мурзаканов;
- Умар Нурмагомедов – Марио Баутиста.
Хулоса
Октябр ойи ММА мухлислари учун ҳақиқий байрамга айланиши мумкин. Йирик турнирлар, кутилган реваншлар ва юлдуз жангчиларнинг иштирокидаги тўқнашувлар миллионлаб томошабинларни экран олдига жалб этади. Ташкилотчилар айтишича, мазкур рўйхат ҳали тўлиқ эмас ва турнирлар яқинлашган сари яна қўшимчалар киритилиши мумкин.