Тошкент аэропортида робот-бариста пайдо бўлиши мумкин
“Uzbekistan Airports” компанияси E-auksion.uz онлайн платформасида Тошкент халқаро аэропортида ижарага берилувчи янги тижорат майдонлар рўйхатини эълон қилди, деб Uz24.uz хабар берди.
Аукционга қўйилаётган жойлар орасида авиакомпания ва ҳаво кемаларига техник хизмат кўрсатувчи контейнерлар учун 30 ва 53 квадрат метрлик майдонлар ҳам бор. Уларнинг бошланғич йиллик нархи мос равишда 144 миллион сўм ва 254 миллион сўм этиб белгиланган.
Шунингдек, халқаро учиб кетиш терминалида 3 квадрат метрли майдон робот-бариста, яъни автоматлашган қаҳва киоски учун аукционга қўйилади. Савдоларда қатнашувчи компаниялар техник талабларга мос бўлиши шарт. Аукционлар 2025 йил 7 октябрь куни бўлиб ўтади.