Владимир Путин: Россия НАТОга ике тапкыр керергә әзер иде
Россия Президенты Владимир Путин хәбәр иткәнчә, Россия ике тапкыр НАТОга керергә әзер булуын белдерде, әмма икесендә дә аның үтенечен кире кактылар. Ул «Валдай» Халыкара дискуссия клубының пленар сессиясендә чыгыш ясаганда шулай дип белдерде.
«Илебез, блок конфронтациясе өчен нигезләрне бетерергә һәм гомуми иминлек киңлеген булдырырга омтылып, ике тапкыр үзенең НАТОга керергә әзер булуы турында белдерде. Һәм икесендә дә безнең үтенечне кире кактылар», - дип искәртте Путин.
Дәүләт башлыгы искәрткәнчә, Ак йортның элеккеге башлыгы Билл Клинтон Россиянең НАТОга керүен реаль түгел дип атады.
«Бер сүз белән әйткәндә, бездә үсешнең башка векторына реаль мөмкинлек бар иде, әмма башка алым өстен чыкты», - дип белдерде Россия лидеры.