Euronews "Андижон полкаси"ни жаҳон саҳнасига олиб чиқади
Андижонга хос миллий рақс санъати халқаро майдонда эътироф этилмоқда. Вилоят туризм бошқармаси ва Европанинг нуфузли телеканалларидан бири — Euronews, машҳур «Андижон полкаси» рақсини суратга олиб, бутун дунё аудиториясига тақдим этишни режалаштирган.
Қувноқ ритмлари ва халқона оҳанглари билан ажралиб турадиган «Андижон полкаси» асрлар давомида байрамлар ва тўй маросимларининг ажралмас қисми бўлиб келмоқда.
Ушбу ташаббус миллий рақсларимизни жаҳон саҳнасида янада кенг тарғиб этишга ҳамда Андижон маданиятининг бой тарихий меросини халқаро миқёсда танитишга хизмат қилади.