Татарстанда талпаннар активлашкан сезон тәмамланды
Татарстанда талпаннар активлашкан сезон һәм талпан инфекцияләрен мониторинглау төгәлләнде. Кулланучыларның хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе җитәкчесе урынбасары Любовь Авдонина «Татар-информ» агентлыгында узган матбугат конференциясендә шул хакта хәбәр итте.
«Без талпан инфекцияләре буенча мониторингка нокта куйдык диярлек. Бер ел эчендә талпаннан зыян күргән 12 928 кеше мөрәҗәгать итте. Бу узган елның шул чоры белән чагыштырганда 5 процентка гына артыграк», - дип белдерде спикер.
Бу сезонда талпан боррелиозының – 22, талпан энцефалитының 5 очрагы теркәлде, дип өстәде ул.