Самарқандда боғчада болаларга сифатсиз овқат берилди

Самарқанд вилоятининг Нуробод туманидаги 1-сонли мактабгача таълим муассасасида болаларга сифатсиз ва айниган озиқ-овқат маҳсулотлари тақдим этилгани, шунингдек, овқатларнинг гигиена ва сақлаш талабларига амал қилинмагани ҳақида мурожаат келиб тушди. Мурожаатда, шунингдек, ушбу боғчада 50 дан ортиқ бола бир хил касаллик билан оғригани маълум қилинган.

Мазкур ҳолатга вилоят Мактабгача ва мактаб таълими бошқармаси муносбат билдириб, вилоят Санитария ва эпидемиология жамоат саломатлиги бошқармаси мутахассислари билан биргаликда ишчи гуруҳи тузилиб, ҳолат ўрганилди. Ушбу текширув давомида 1-сонли Мактабгача таълим ташкилотида ишлайдиган ошпазлар овқат тайёрлашдаги технологияларга риоя этмагани ва эътиборсизликлари сабабли кечки овқатга тайёрланган ширин кулчаларнинг куйдириб пиширилгани аниқланди. Бу ҳолат бўйича аутсорсинг хизматини кўрсатган “Proof food” МЧЖ корхонаси раҳбариятига огоҳлантириш берилди.

Текширувлар натижасида аутсорсинг томонидан сифатсиз гўшт маҳсулотлари етказиб берилгани ҳақидаги хабарлар ўз исботини топмади. Нуробод туман тиббиёт бирлашмаси ва Санэпидқўмита туман бирлашмаси эпидемиологлари маълумот беришича, 30 сентябрьдан бугунга қадар боғча ёшдаги болаларнинг овқатдан заҳарланиши ҳақида мурожаатлар қабул қилинмаган. Шунингдек, 50 дан ортиқ болаларнинг бир хил касаллик билан оғригани ҳақидаги хабар ҳам рад этилди.

Бу ҳолат жамоат саломатлигига жиддий хавф солмасдан, оилавий ва ижтимоий эҳтиёжларни қондириш мақсадида ҳал қилинди. Мазкур воқеа болаларнинг овқатланиш муҳитига бўлган диққатни янада оширишга сабаб бўлди.