Роналду ва Трамп Саудия шаҳзодаси билан нега учрашди?
Футбол юлдузи Криштиану Роналду 18 ноябрь куни АҚШ президенти Доналд Трамп ва Саудия Арабистони валияҳ шаҳзодаси Муҳаммад бин Салмон Ол Сауд ўртасидаги учрашувдан сўнг Оқ уйда ўтказилган расмий кечки зиёфатда иштирок этди, деб хабар берди The White House.
Оқ уйнинг Facebook’даги расмий саҳифасидаги тўғридан-тўғри эфирга кўра, мазкур кечада меҳмонлар орасида америкалик миллиардер Илон Маск ҳам қатнашган.
Шу куни Трамп ва Муҳаммад бин Салмон икки давлат ўртасидаги стратегик ҳамкорликни чуқурлаштиришга оид қатор келишувларни имзолади. Саудия Арабистони АҚШга 600 миллиард доллардан ортиқ сармоя киритишга рози бўлди.