Ўзбекистонликлар четдан цемент олишни нима учун камайтирди?
2025 йилнинг январь-сентябрь ойларида Ўзбекистонга 13 та хорижий давлатдан жами 72 минг тонна цемент импорт қилинди, деб Статистика қўмитаси маълум қилди. Импорт қилинган цемент қиймати 4,4 миллион АҚШ доллари (тақрибан 55 миллиард сўм)ни ташкил этди.
Қўмита маълумотига кўра, бу кўрсаткич ўтган йилнинг шу даврига нисбатан 548,1 минг тоннага камайган. Бошқача айтганда, цемент импорти қарийб 8,6 баробарга қисқарган.
Энг кўп цемент Қозоғистондан (33 739 тонна), Эрондан (31 218 тонна), Қирғизистондан (2 653 тонна), Тожикистондан (2 516 тонна) ва Россиядан (1 152 тонна) келтирилган. Қолган 755 тонна цемент бошқа давлатлардан олиб кирилган.