Тоттенхэм 60 млн еврога Кубони сотиб олмоқчи
Англиянинг "Тоттенхэм" клуби Испаниянинг "Реал Сосьедад" жамоаси ҳужумкор ярим ҳимоячиси Такефуса Кубони ўз сафига қўшиб олишга қизиқиш билдирмоқда. Football Insider хабарига кўра, "Тоттенхэм" япон футболчисини аллақачон январ ойида трансфер қилишга ҳаракат қилиши мумкин.
Басклар клуби эса 24 ёшли футболчини 60 миллион евро эвазига сотишга тайёр эканини билдириб ўтган. Аввалроқ маълум қилинганидек, Кубонинг кейинги трансфер суммасининг 50 фоизини унинг собиқ клуби Мадриднинг "Реал" жамоаси олади.
Transfermarkt портали футболчининг нархини 30 миллион еврога баҳолаган бўлиб, унинг "Реал Сосьедад" билан тузган шартномаси 2029 йилнинг ўрталарига қадар амал қилади. Жорий Ла Лига мавсумида Такефуса Кубо 10 та учрашувда майдонга тушиб, битта гол уришга муваффақ бўлган.