Бозорларда суратга олиш бепул бўлади
Тошкент ҳокимлиги бозорларда тижорий видеотасвирга олишдан тушган маблағлар савдо мажмуаcининг инфратузилмасини яхшилаш ва ҳудудни ободонлаштиришга йўналтирилишини маълум қилди. Ушбу чора оддий ташриф буюрувчиларга тегишли эмас.
Ташриф буюрувчилар ўз харидларини суратга олиш ёки оиласи билан суратга тушишни бепул амалга оширишлари мумкин. Фақат бозор ҳудудидан даромад олиш учун фойдаланаётган йирик блогерлар ёки тижорий студиялар тўлов тўлайди.
"Бу чора одамлар манфаатига қаратилган. Харидор, сотувчи ва бозорлардаги инфратузилма манфаатларини ҳимоя қилиш мақсад қилинган", дейилади ҳокимлик баёнотида.
Тошкент ҳокимлиги, шунингдек, бозор ҳудудида ускуналар билан ишлайдиган суратга олиш гуруҳлари ишлаганда, бу ўтиш жойларига ва маъмурият фаолиятига юклама яратишини таъкидлади.