Ўзбекистон термаси FIFA рейтингида беш поғона кўтарилди
FIFA ноябрь ойига оид янги рейтинги эълон қилинди. Миср ва Эронга қарши ўтган ўйинлардаги ишончли ғалабалар туфайли Ўзбекистон миллий терма жамоаси тезда 5 поғона юқорилади ва 50-ўриндан жой олди. Бу натижа Осиё жамоалари орасида ҳам юқори бешликка кириш имконини берди.
Қитъа бўйича Япония (18), Эрон (20), Жанубий Корея (22) ва Австралия (26) юқорида турибди. Миллий жамоамиз эса 1462.03 очко тўплади.
Рейтингнинг тепаси ўзгаришсиз қолди: Испания 1-ўринда, Аргентина 2-ўринда, Франция эса 3-поғонада. Умумий ўнталикка Англия, Бразилия, Португалия, Нидерландия, Бельгия, Германия ва Хорватия кирди.
Ўзбекистон термаси учун бу натижа жамоанинг барқарор ўсишини кўрсатади ва келгусида янада юқори поғоналарга кўтарилиш умидини оширади.