ФИФА миллий терма жамоалар рейтингини эълон қилди
ФИФА расмий сайтида чоршанба куни миллий терма жамоаларнинг янгиланган рейтинги эълон қилинди. Ушбу янгилик ноябрь ойидаги халқаро танаффусдан сўнг пайдо бўлди.
ФИФА рейтингидаги дастлабки тўртта ўрин ўзгармади. Биринчи ўринда Испания терма жамоаси жойлашган бўлса, иккинчи ўринни Аргентина, учинчи ўринни Франция ва тўртинчи ўринни Англия эгаллади.
Биринчи ўзгариш бешинчи ўринда кузатилди — Бразилия терма жамоаси юқорига кўтарилиб, Португалия (ҳозирги 6-ўрин) ва Нидерландияни (7-ўрин) орқада қолдирди. Биринчи ўнликка, шунингдек, Бельгия, Германия ва Хорватия терма жамоалари киради.
Германия ва Хорватия ҳар бири бир поғона юқорилашга муваффақ бўлди. ФИФА рейтингидаги навбатдаги янгиланиш 23 декабр куни кутилмоқда.