Бензема: Винисиус «Олтин тўп»ни ютиши мумкин

Карим Бензема Винисиус Жуниорнинг «Олтин тўп»ни қўлга киритиш имконияти ҳақида ўз фикрини билдирди. Бенземанинг сўзларига кўра, Винисиус ушбу мукофотга сазовор бўлиши учун ўз хулқ-атворини ўзгартириши керак.

"Менинг фикримча, Винисиус бир куни «Олтин тўп»ни ютиши мумкин. Бу осон эмас, лекин мумкин.

Бу шунда содир бўладики, у майдонга фақат ўйин учун чиқишини англаганида ва бошқа барча нарсаларни четга суриб қўйганида. У «Олтин тўп»ни ютиши мумкин.

Унда бу учун зарур сифатлар бор ва у энг яхши жойда – «Реал»да. Бундан яхши жой йўқ", – дея Бенземанинг сўзларини келтиради AS нашри.

Эслатиб ўтамиз, Карим Бензема 2022 йилда «Олтин тўп»ни қўлга киритган эди.