Ўзбекистонликлар кўпроқ нимани суғурталайди?
Ўзбекистонда суғурта хизматлари ҳажми 2025-йилнинг ўн ойида 10 триллион сўмни ташкил этди, деб хабар бермоқда Миллий статистика қўмитаси. Бу ўтган йилга нисбатан 2,6 триллион сўмга кўпдир.
Ўзбекистонликлар асосан автомобиллар, мол-мулк ва бахтсиз ҳодисалардан соғлиғини суғурта қилишни афзал кўрмоқда. Ушбу йўналишлар жами суғурта бозорининг 81,5 фоизини эгаллайди.
Аксинча, ҳаётни суғурта қилиш кам талабга эга бўлиб, бу йўналиш бозорнинг атиги 4,3 фоизини ташкил этмоқда. Қолган 14,2 фоиз эса қайта суғурталаш хизматларига тўғри келади.