Титовнинг "Атлетик" - "Реал" ўйини таҳлили
Испания чемпионати доирасида Бильбаода "Атлетик" ва Мадриднинг "Реал" жамоалари ўзаро куч синашади. Ушбу ўйин ҳақида Москванинг "Спартак" жамоаси собиқ ярим ҳимоячиси Егор Титов фикр билдирди.
"Басклар жуда чидамли ва яхши ҳимояланади. Аммо "Реал" футболчилари бу каби ўйинларга махсус тайёргарлик кўраётганини тушуниб етишди.
Бу ўйинда ғалабани таъминлаш керак. Агар буни Мбаппе қилмаса, ким қилади?
Мен унинг гол уришига ишонаман", – дея Титовнинг сўзларини келтиради "РБ Спорт" нашри. "Атлетик" ва "Реал" ўйини бугун, 3-декабр, Бильбаодаги стадионда бўлиб ўтади.
Учрашув Москва вақти билан соат 21:00 да бошланади. Ушбу баҳс олдидан басклар Испания чемпионати турнир жадвалида саккизинчи, меҳмонлар эса иккинчи ўринда жойлашган.