17 декабрда қаерларда ёмғир ёғади?

Ўзгидромет 17 декабрь куни учун мамлакат бўйлаб об-ҳаво прогнозини эълон қилди. Маълумотларга кўра, аксарият ҳудудларда ҳаво ўзгарувчан бўлиб, айрим жойларда ёмғир ёғиши кутилмоқда.

Тошкент шаҳрида кун давомида вақти-вақти билан ёмғир кузатилади. Шамол ғарб томондан 3–8 м/с тезликда эсади, ҳарорат кечаси 3–5, кундузи эса 5–7 даража илиқ атрофида бўлади.

Қорақалпоғистон ва Хоразмда ёғингарчилик кутилмайди, бироқ туман тушиши мумкин. Ушбу ҳудудларда кечаси совуқроқ бўлиб, Устюртда ҳарорат 12–14 даражагача пасаяди. Кундузи эса 0–5 даража илиқ бўлади.

Бухоро ва Навоий вилоятларида ҳам ёғингарчилик прогноз қилинмаган. Айрим жойларда туман кузатилиб, шамол шарқ томондан 9–14 м/с тезликда эсади. Ҳарорат кечаси 0–5, кундузи 5–10 даража илиқ бўлади.

Тошкент, Сирдарё, Самарқанд ва Жиззах вилоятларида ёмғир ёғиши, шунингдек, туман тушиши мумкин. Ҳарорат кундузи 2–7 даража илиқ атрофида сақланади.

Қашқадарё ва Сурхондарёда ҳам ёмғир кутилмоқда. Бу ҳудудларда кундузи ҳаво нисбатан илиқ — 8–13 даражагача кўтарилади.

Андижон, Наманган ва Фарғона вилоятларида ўзгарувчан об-ҳаво сақланиб, ёмғир ёғиши эҳтимоли бор. Шамол ғарб томондан 5–10 м/с тезликда эсади.

Тоға ҳудудларда ёғингарчилик (ёмғир ва қор) кузатилиб, айрим жойларда кучли бўлиши мумкин. Тошкент ва Наманган вилоятларининг тоғли ҳудудларида қор кўчиши хавфи сақланиб қолмоқда.

Синоптиклар аҳолини, айниқса ҳайдовчилар ва тоғли ҳудудларга йўл олган фуқароларни эҳтиёткор бўлишга чақирмоқда.