Давид Алаба Арне Слотни йилнинг энг яхши мураббийи деб билди
Мадриднинг Реал клуби ҳимоячиси, австриялик Давид Алаба ўз рейтингида биринчи ўринга жамоадоши Килиан Мбаппени қўйди. Иккинчи ва учинчи поғоналарга эса ПСЖ футболчилари Ашраф Ҳакими ҳамда Усмон Дембеле жойлаштирилди.
Йилнинг энг яхши мураббийи бўйича Алаба биринчи ўринни Ливерпуль бош мураббийи Арне Слотга, иккинчи ўринни Арсенал устози Микел Артетагa, учинчи ўринни эса Португалия терма жамоаси бош мураббийи Роберто Мартинесга берди. Дарвозабонлар рўйхатида ҳам кутилмаган ҳолат кузатилмади: Алаба биринчи ўринга жамоадоши Тибо Куртуани, иккинчи ўринга Бавария посбони Мануэль Нойерни, учинчи ўринга эса Манчестер Сити дарвозабони Жанлуижи Доннаруммани киритди.
Доннарумма аввал ПСЖ сафида ҳам тўп сурган. ФИФАнинг йилнинг энг яхши футболчиси соврини Усмон Дембелега насиб этди.
Мураббийлар йўналишида Луис Энрике, дарвозабонлар номинациясида эса Жанлуижи Доннарумма ғолиб бўлди.