Салоҳ The Best овозида Ҳакимин биринчи ўринга қўйди

“Ливерпул” ҳужумчиси Муҳаммад Салоҳ Миср терма жамоаси сардори сифатида ФИФАнинг The Best мукофоти учун овоз беришда иштирок этди. Madrid Zone хабарига кўра, Салоҳ ўз рейтингида биринчи ўринга марокашлик Ашраф Ҳакими қўйди.

Иккинчи поғонани “ПСЖ” футболчиси Усмон Дембеле эгаллаган бўлса, учинчи ўринга “Реал” (Мадрид) ҳужумчиси Килиан Мбаппе жойлаштирилган. Овоз бериш якунларига кўра, йилнинг энг яхши футболчиси сифатида Дембеле эътироф этилди.

Шунингдек, у сентябрь ойида “Олтин тўп”ни қўлга киритгани қайд этилди. Эътиборлиси, ФИФА талқинига кўра йил рамзий терма жамоасидан Муҳаммад Салоҳ ўрин олмади.