ПСЖ Мбаппенинг қарзини 100 млн евроадан ошириши мумкин

Килиан Мбаппе вакилларининг RMC Sport’га маълум қилишича, ПСЖ футболчига тўлаши керак бўлган умумий сумма 100 миллион евро атрофида бўлиши мумкин. Аввалроқ Париж суди клубнинг футболчига нисбатан даъволарини тўлиқ рад этиб, парижликларни ҳужумчига қарийб 61 миллион евро миқдоридаги қарздорликни тўлашга мажбур қилган.

Бу сумма Мбаппенинг Мадриднинг “Реал” клубига эркин агент сифатида ўтишидан олдинги даврга тегишли. Футболчининг юристлари баҳосига кўра, тўланмаган бонуслар ва маошлар ҳам инобатга олинса, клубнинг умумий қарзи 100 миллион евроадан ҳам ошиб кетиши мумкин.

Бироқ солиқлар ва ижтимоий ажратмалар сабаб Мбаппенинг қўлига анча кам маблағ тушади — тахминан 25–26 миллион евро. Қайд этилишича, бундан аввал Мбаппе ПСЖдан 253 миллион евро талаб қилгани, клуб эса футболчига нисбатан қарши молиявий даъволар билдиргани ҳақида хабарлар тарқалган эди.