Жоржина Роналдунинг никоҳ таклифи ва узукдаги тошни эслади

Криштиану Роналду ёзда Жоржина Родригесга турмуш қуриш таклифини берди ва у рози бўлди. Жоржина кейинчалик ўша лаҳзани эслаб, совға қилинган узукдаги тошнинг катталиги уни ҳайратга солганини айтди.

У испанча ELLE нашрига берган интервьюсида: "Бу жуда ажойиб эди. Ўн йил кутганимдан кейин у менга таклиф қилиши мумкин бўлган энг ками ҳам шу (кулади).

Ростини айтсам, у таклиф қилган пайтда мен бу ҳақда умуман ўйламаганман. У менга совға қилган тошнинг нақадар улканлигини англашим учун анча вақт кетди.

Шунчалик ҳайратда қолган эдимки, қутичани фақат эртаси куни қуёшда очдим", деди. Қайд этилишича, аввалроқ Роналду унаштирув узуги танлови учун ҳам танқид қилинган.

Мутахассислар бундай йирик тошли узуклар кундалик тақиб юришга унчалик қулай эмаслигини таъкидлашган.