Путин: Махсус хәрби операция зонасында хәбәрсез югалганнар саны 50 процентка кимеде
Махсус хәрби операция зонасында хәбәрсез югалганнар саны, 2025 ел башы белән чагыштырганда, 50 процентка кимегән. Бу хакта РФ Президенты Владимир Путин туры эфир барышында әйтте.
«Ел башы белән чагыштырганда үзгәрешләр күрәбез. Бу эш дәвам итәргә тиеш һәм аны камилләштерү зарур. Югалтуларны мөмкин кадәр киметүгә ирешергә кирәк», – диде Илбашы.
Путин әйтүенчә, хәбәрсез югалган хәрбиләр – «аеруча кискен» мәсьәлә. РФ Саклану министрлыгы вазгыятьне үзгәртү өчен чаралар күргәнен әйтте.
«Югалган хәрбиләрне эзләү буенча Баш координация үзәге, урыннарда бүлекләр, мондый кешеләрне эзләү буенча аерым реестр булдырылды», – дип өстәде ул.