Алмейда Мбаппе, Винисиус ва Беллингемни тўхтатиш қийинлигини айтди
Учрашув Москва вақти билан 23:00 да бошланиши белгиланган. “Умид қиламанки, Мбаппе бизга қарши ўйинда рекордни янгилай олмайди.
Мбаппе – Винисиус – Беллингем учлигини қандай тўхтатишни билмайман. Биз уларни зарарсизлантиришга ҳаракат қиламиз, аммо тушуниш керакки, улар турли хил футболчилар ва ҳар бири ўзига хос ижодкор ҳамда топқир.
Уларнинг хусусиятларини қанчалик яхши ўргансак ҳам, улар барибир янгича ечим топиб кетади”, деди Алмейда матбуот анжуманида. Эслатиб ўтамиз, Килиан Мбаппе бир бор гол урши билан “Реал Мадрид”нинг бир йилдаги голлар бўйича клуб рекордини такрорлайди.
Ҳозирча ушбу натижа Криштиану Роналдуга тегишли (59). “Севилья”га қарши ўйин мадридликлар учун 2025 йилдаги сўнгги учрашув бўлади.