Ўзбекистоннинг ЖСТга қўшилиши кечикмоқда
Ўзбекистонда мамлакатнинг Жаҳон Савдо Ташкилоти (ЖСТ)га қўшилиш жараёнининг секинлашиши бўйича хавотирлар кучаймоқда, дея маълум қилди ушбу масала бўйича Президент вакили Азизбек Уронов. Уроновнинг таъкидлашича, бундай фикр ишчи гуруҳ доирасида берилаётган айрим саволларнинг моҳияти, муддати ва мазмуни билан боғлиқ.
Шу билан бирга, Тошкент ташкилотнинг адолат ва глобал савдонинг барқарорлигини таъминлаш каби қадриятларини қўллаб-қувватлайди. Уроновнинг айтишича, республика ташкилот аъзолигини бирор имтиёз сифатида кўрмайди.
Ўзбекистон савдо альянси иштирокчилари билан бозорга кириш имкониятлари бўйича музокаралар олиб бормоқда. Ҳозирги кунга қадар Ўзбекистон ЖСТнинг 33 иштирокчиси билан музокараларни якунлаган ва 30 давлат билан протоколлар имзоланган.
Кутилишича, келаси ҳафта Тошкент Москва билан тегишли келишувни имзолайди. Эслатиб ўтамиз, Тошкентга ЖСТга қўшилиш бўйича музокараларда ёрдам 1990-йилларнинг ўрталарида бошланган.
Жорий йилнинг ёзидан бошлаб бу жараёнга Жанубий Корея дипломати бошчилик қилмоқда.