Мандарин импортида қайси давлатлар етакчи?

Миллий статистика қўмитаси маълумотларига кўра, 2025 йилнинг январь–ноябрь ойларида Ўзбекистон 62 та давлатдан мандарин импорт қилган. Умумий ҳажм 1,1 миллион тонна, қиймати эса 256,4 миллион АҚШ долларини ташкил этган. Бу кўрсаткич ўтган йилнинг шу даврига нисбатан 9,4 фоизга ошган.

Статистикага кўра, Ўзбекистон бозорига мандарин етказиб беришда Покистон етакчилик қилмоқда. Ушбу мамлакатдан 11 ой ичида 327,1 минг тонна мандарин олиб кирилган. Иккинчи ўринда Қозоғистон (314,3 минг тонна), учинчи ўринда эса Эквадор (145,9 минг тонна) жой олган.

Шунингдек, Хитойдан 124,6 минг тонна, Афғонистондан 58,5 минг тонна мандарин импорт қилинган. Қолган 153,8 минг тонна мандарин эса бошқа давлатлар ҳиссасига тўғри келади.