Президент жаҳон чемпиони Гулшан Алимардоновага автомобил совға қилди
Жорий йилнинг 27–30 ноябрь кунлари Мисрнинг Қоҳира шаҳрида бўлиб ўтган карате бўйича Жаҳон чемпионатида олтин медални қўлга киритган Гулшан Алимардонова Президент совғаси билан тақдирланди. Бу ҳақда Ўзбекистон ахборот агентлиги хабар берди.
Ҳукумат қарорига кўра, WKF йўналиши бўйича аёллар ўртасида жаҳон чемпиони бўлган илк ўзбекистонлик спортчи BYD Song Plus DM-i UzPride автомобили билан мукофотланди.
Маълумот учун, жаҳон чемпионати финалида Гулшан Алимардонова малайзиялик рақибасини 6:1 ҳисобида мағлуб этган. Ушбу ғалаба орқали у Ўзбекистон спорт тарихида аёл каратечилар орасида биринчи жаҳон чемпиони сифатида қайд этилди.