"Жалған ақпарат тарату" ісі бойынша күдікті деп танылған ҚазТАГ агенттігінің бас редакторы Әмір Қасеновті полиция тергеуге шақыртып алғаннан кейін 48 сағатқа ұстады. Агенттік үстінен арыз түсірген миллиардер Тимур Турлов ҚазТАГ жалған деректер жариялағанына дәлел көп дейді. Күдікке ілінген журналистер бұл істі сөз еркіндігін шектеу әрекетіне жатқызды. Ақпарат министрлігі "елде сөз бостандығы ахуалы нашарлады" деген пікірге келіспейді, ал "құқықтық субъектілер арасындағы дауға" араласпайтынын, бірақ журналиске консультативтік көмек беретінін айтады.
