Мюллер 17 ёшли Карлнинг «Бавария»даги ютуғини тушунтирди

«Бавария» афсонаси Томас Мюллер клубнинг порлаётган юлдузи Леннарт Карлнинг истеъдодини юқори баҳолади. 17 ёшли ҳужумкор ярим ҳимоячи мюнхенликлар сафида мунтазам равишда асосий таркибда майдонга тушмоқда.

Вундеркинд жорий мавсумда аллақачон 6 та гол урди ва 2 та голли узатма берди. «Карлнинг зарба техникаси шунчаки ажойиб.

У ҳужумларни жуда яхши якунлайди — бу эса жиддий устунлик, чунки агар сен «Бавария» ҳужумида ўйнасанг ва етарлича чаққон ҳамда серғайрат бўлсанг, албатта гол уриш имкониятлари пайдо бўлади. Шу сабаб унинг голлари тасодиф эмас.

Карлнинг келажагини белгилайдиган савол шундан иборат: у қанчалик тез-тез қулай позицияларга чиқади, ўзи учун вазиятлар ярата оладими. Мисол учун эски танишимиз Подолскини олайлик: тўп чап оёқ билан зарба бериш учун қулай жойга келиши билан у шунчаки “бум” қиларди.

Бироқ дунёнинг энг зўр футболчилари билан солиштирганда, у етарлича тез-тез қулай зарба нуқталарига чиқмасди», — деди Süddeutsche Zeitung нашрига берган интервьюсида «Ванкувер Уайткепс»нинг 36 ёшли ҳужумчиси. Эслатиб ўтамиз, Томас Мюллер ўтган ёзда «Бавария»ни тарк этган.