Лебёф Месси ва Роналду рақобати ҳақида фикр билдирди

Франция терма жамоасининг собиқ футболчиси Франк Лебёф Лионель Месси ва Криштиану Роналду ўртасидаги узоқ йиллик рақобат ҳақида фикр билдирди. Лебёф Роналду яқинда айтган, жаҳон чемпионати энг буюк футболчини белгилаб бера олмайди, деган гапларига муносабат билдирди.

«Роналду ёлғон гапирмаяпти, чунки у эришган ютуқларнинг ўзиёқ фантастик. Роналду билан Месси ўртасида “Олтин тўп” учун пойга бўлган.

Гап битта саволга бориб тақаларди: қайси бирини афзал кўрасан? Бу доимий баҳс эди — сен Месси тарафидамиcан ёки Роналду?

Ва бу ўн йилдан ортиқ давом этди», — Лебёфнинг сўзларини Goal портали келтиради. Криштиану Роналду беш марта “Олтин тўп”ни қўлга киритган, Лионель Месси эса саккиз марта.