Groq асосчиси Nvidia компаниясига ўтмоқда
2025 йил 25 декабрь куни Forbes нашрининг хабар беришича, сунъий интеллект стартапи Groq асосчиси Жонатан Росс ўзининг бир қисми жамоаси билан Nvidia компаниясига ўтади. Шу билан бирга, Groq мустақил компания сифатида янги раҳбарият остида фаолиятини давом эттиради.
Келишув доирасида компания активлари 20 миллиард доллар деб баҳоланган. CNBC маълумотларига кўра, битим доирасида Groq’нинг барча активлари сотилиши кўзда тутилган, аммо стартапнинг булутли хизматлари ушбу битимга кирмайди.
Маълумки, Nvidia бундан олдин энг йирик харидни 2019 йилда Mellanox чип ишлаб чиқарувчисини 7 миллиард долларга сотиб олиш орқали амалга оширган эди. Шунингдек, Disruptive фонди 2016 йилда ташкил этилганидан бери Groq’га 0,5 миллиард доллардан ортиқ маблағ киритган.