Ақтаудағы көктайғақ: тұрғындарға ескерту жасалды
Ақтауда бүгін көктайғақ салдарынан бірнеше жол апаты болған, - деп хабарлайды Tengrinews.kz тілшісі Lada.kz-ке сілтеме жасап.
Көлік жүргізушілерін қозғалыс жылдамдығын едәуір төмендетуге тура келді. Алайда бұл бәріне бірдей көмектеспеді: көктайғақ салдарынан бірнеше жол апаты болған.
Ақтау әкімдігінде жолдарға көктайғақтың алдын алу үшін құм себу жұмыстарына техника шыққаны хабарланды.
"Орталық және шағынауданішілік жолдарда көктайғақтың пайда болуына байланысты коммуналдық қызметтер қауіпті учаскелерге құм сеуіп жатыр. Бұл жұмыстар жаяу жүргінші жолдарын да қамтиды", - деп мәлімдеді қала әкімдігі.
Жаяу жүргіншілер мен жүргізушілерге қозғалыс кезінде сақтық шараларын күшейту ұсынылады.
"ҚазАвтоЖолдың" хабарлауынша, 27 желтоқсан күні сағат 10:00-ден бастап Маңғыстау облысында Жетібай ауылынан Ақтау қаласына дейінгі автожолда барлық көлік түрі үшін уақытша қозғалыс шектеуі енгізіледі. Шектеу ауа райының нашарлауына, соның ішінде ауа температурасының төмендеуіне, жаңбырға және көктайғақтың қалыптасуына байланысты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!