Хоразмда саксовул кесган ҳайдовчига катта жаримага тортилди
Хоразм вилояти Экология ва иқлим ўзгариши бошқармаси маълумотига кўра, саксовулни ноқонуний кесган фуқаро жавобгарликка тортилди. Бу ҳақда upl.uz хабар беради.
Ҳудудий экология ходимлари прокуратура, ички ишлар органлари ва Миллий гвардия билан ҳамкорликда ўтказган тезкор-профилактик тадбирлар чоғида Хазарасп туманида “Лабо” автомобилида саксовул кесиб, ташиётган эркак аниқланди.
Ҳолат юзасидан унга Маъмурий жавобгарлик тўғрисидаги кодекснинг 1-қисми — дарахтлар, буталар ва бошқа ўсимликларни ноқонуний кесиш, шикастлаш ёки йўқ қилиш билан боғлиқ модда асосида баённома расмийлаштирилди. Натижада эркакка 10,3 миллион сўм жарима белгиланди.
Бундан ташқари, ўсимлик дунёсига етказилган зарар учун 5,7 миллион сўм миқдорида моддий компенсация ҳам ундирилиши кўзда тутилган. Рейдлар давом этмоқда.