Легендар актриса Бриджит Бардо 91 яшендә вафат булган
Француз актрисасы Брижит Бардо 91 яшендә вафат булган. Бу хакта актриса фондына сылтама белән AFP хәбәр итә.
Үлем сәбәбе әйтелми, әмма Көнбатыш гаммәви мәгълүмат чаралары хәбәрләренә караганда, актриса ноябрьдә үк җитди авыру сәбәпле хастаханәгә озатылган. Нинди авыру турында сүз барганлыгы шулай ук әлегә билгеле түгел.
Ул төшкән иң танылган фильмнар арасында «Истина», «И бог создал женщину», «Парижанка» һ.б. картиналарны атап үтәргә мөмкин. Моннан тыш, Бардо 70тән артык җыр яздырган, фотомодель буларак роликларда төшкән, ә 40 яшьтән соң үзен хайваннарның хокукларын яклауга багышлаган.