Таиланд Камбоджани янги тинчлик келишувини бузишда айблади
Таиланд армияси Камбоджани янги имзоланган тинчлик келишувини бузишда айблади. Келишув бир неча ҳафталик можаро ва минглаб одамларни уйини тарк этишга мажбур қилган тўқнашувлардан кейин эришилган эди. Армиянинг маълум қилишича, якшанба кечаси Камбоджа ҳудудидан 250 дан ортиқ дрон учирилган.
Тинчлик келишуви шанба куни кучга кирган бўлиб, томонлар фронт чизиқларини ҳозирги ҳолатда сақлаш, қўшимча куч юборишни тўхтатиш ва чегара ҳудудидаги фуқароларга қайтишга рухсат бериш бўйича келишиб олган. Дипломатик ёрдам Хитой ва АҚШ томонидан кўрсатилган.
Таиланд армияси Камбоджанинг ҳаракатларини “провокация ва келишув шартларига зид” деб атади. Шунингдек, июль ойидан бери Таиландда сақланаётган 18 Камбоджа аскарини озод қилиш масаласини қайта кўриб чиқиш эҳтимоли мавжудлиги айтилган.
Ҳозирча Камбоджа томони муносабат билдиргани йўқ. Тинчлик келишуви Хитой ва АҚШ томонидан мақталган бўлса-да, чегара бўйлаб можаро хавфи сақланмоқда ва икки давлат ўртасидаги низолар узоқ тарихга эга.