Ўзбекистоннинг Полшадаги элчихонаси ватандошнинг юртга қайтишига кўмаклашди
Ўзбекистоннинг Варшавадаги элчихонаси Польшада қолиб кетган ватандошнинг юртга қайтишини таъминлади, деб хабар берди «Дунё» ахборот агентлиги. Бу ҳақда kursiv.uz хабар беради.
Маълумотларга кўра, Ўзбекистон фуқароси оғир моддий аҳволи сабаб дипломатик ваколатхонага ёрдам сўраб мурожаат қилган. Элчихона ходимлари унинг аризасини қабул қилиб, вақтинчалик турар жой билан таъминлаган.
Халқаро миграция ташкилоти кўмагида фуқаро учун авиачипта расмийлаштирилиб, унинг Ўзбекистонга қайтиши ташкил этилган.