Ҳабиб Нурмагомедов Globe Soccer’да Погбага соврин топширди
Россиялик машҳур жангчи Ҳабиб Нурмагомедов якшанба куни Globe Soccer Awards тақдирлаш маросимида иштирок этди. Тадбир саҳнасида у “Монако” ярим ҳимоячиси Пол Погбага мукофотни шахсан топширди. Бу ҳақда euro-football.ru хабар беради.
Погба “Йилнинг камбеки” номинациясида ғолиб бўлди. Француз футболчи антидопинг қоидаларини бузганлик учун берилган дисквалификация сабабли юзага келган узоқ танаффусдан кейин майдонга қайтди.
Пол Погба “Монако” сафида ҳозирча учта ўйинда майдонга тушди. 32 ёшли ярим ҳимоячи ҳали гол ёки ассист билан ажралиб тургани йўқ.
Айни пайтда “Монако” Франция Лига 1 турнир жадвалида тўққизинчи ўринда бормоқда.