Янги йилнинг илк кунида Ўзбекистонда 1100 чақалоқ дунёга келди
2026-йил 1-январ соат 17:00 ҳолатига кўра, Ўзбекистонда жами 1094 нафар чақалоқ туғилди. Бу ҳақда Соғлиқни сақлаш вазирлиги матбуот хизмати хабар берди.
Туғилган чақалоқларнинг 539 нафари ўғил, 555 нафари қиз фарзанд бўлди. Энг кўп туғилиш Фарғона вилоятида қайд этилиб, 138 нафар чақалоқ дунёга келди.
Ҳудудлар кесимида энг кўп туғилишлар Сурхондарё (135 нафар), Самарқанд (125 нафар), Қашқадарё (121 нафар) ва Наманган (110 нафар) вилоятларида рўй берди. Энг кам туғилиш эса Сирдарё вилоятида, фақат 19 нафар чақалоқ бўлган.
Қизиқарли томони, туғилганлар орасида 17 эгизак бор, жами 37 нафар бола. Шулардан 30 нафари икки ҳомилалик, 3 нафари уч ҳомилалик, ва 4 нафари тўртта ҳомилалик эгизакдир.