Россия банклары иминлек максатларында маркетплейсларда эре сатып алуларны блоклый башлады
Россиядә финанс оешмалары онлайн-мәйданчыкларда клиентлар транзакцияләрен контрольдә тотуны көчәйттеләр, эре түләүләрне яңадан тикшерә башладылар. Бу хакта «РИА Новости» хәбәр итә.
Кыйммәтле заказны түләргә тырышканда банк, мошенниклардан качу өчен түләүне кире кагу турында хәбәр итеп, операцияне блокларга мөмкин. Чикләүләрне бетерү өчен клиентка банк белән мөстәкыйль элемтәгә керергә яки куркынычсызлык хезмәтеннән шалтырату көтәргә кирәк була.
Верификация процедурасы тавыш ярдәмчесе катнашында уза, ул әлеге операцияне чыннан да счет хуҗасы башкарамы, бу җинаятьчеләрнең гамәлләре нәтиҗәсе түгелме икәнлеген ачыклый. Блокировка клиенттан тавыш раславы алгач кына алына.
Моннан тыш, финанс грамоталылыгын арттыру чаралары кысаларында банклар белдерүләр белән бергә кулланучыларга мошенникларның киң таралган хәйләләре һәм алардан саклану ысуллары турындагы мәгълүмат белән танышырга тәкъдимнәр җибәрә.