Бавариянинг ёш юлдузи келажакда Реалга ўтишни хоҳлайди
Мюнхеннинг «Бавария» клубида тўп сураётган 17 ёшли ҳужумкор ярим ҳимоячи Леннарт Карл келажакда Мадриднинг «Реал» жамоаси сафида ўйнаш ниятини яширмади. Бу ҳақда euro-football.ru хабар беради.
Футболчининг айтишича, «Бавария» унинг учун катта орзу бўлган улкан клуб, бироқ вақт келиб у «Реал»га йўл олишни хоҳлайди. «Реал» — менинг орзуйимдаги жамоа. Шунга қарамай, «Бавария» ҳам ўзгача клуб ва бу ерда ҳаммаси ёқади», — дея Карлнинг сўзларини келтиради Sky Sports.
Леннарт Карл «Бавария» академияси тарбияланувчиси ҳисобланади. Унинг амалдаги шартномаси 2028 йил 30 июнгача мўлжалланган. Жорий мавсумда у мюнхенликлар сафида 21 ўйинда майдонга тушиб, 6 та гол урди ва 2 та голли узатмани амалга оширди.