Roblox чатлар учун ёшни тасдиқлашни мажбурий қилади
Roblox ўйин платформасида энди чатларда ёзиш учун фойдаланувчилар ёшини мажбурий тарзда тасдиқлаши керак бўлади. Бу ҳақда сервис бош директори Девид Базуки Roblox’нинг расмий аккаунтидаги видеомурожаатида маълум қилди. Бу ҳақда kursiv.uz хабар беради.
Унинг айтишича, Янги Зеландия ва Австралияда фойдаланувчиларнинг ярмидан кўпи аллақачон верификациядан ўтган, дунё бўйича эса ўнлаб миллион ўйинчи ўз маълумотларини тасдиқлаб улгурган. Янгиликдан кўзланган мақсад — ўйин ичидаги мулоқотни янада хавфсиз қилиш.
Ёшни тасдиқлашнинг икки йўли таклиф этилмоқда: 13 ёшдан бошлаб паспорт ёки фотосуратли бошқа ҳужжат суратини юклаш, ёхуд юзни таниш технологияси орқали текширувдан ўтиш.