Microsoft янги оммавий ишдан бўшатишлар ҳақидаги гапларни рад этди
Microsoft’нинг коммуникациялар бўлими раҳбари Френк Шоу компанияда навбатдаги йирик қисқартиришлар бўлиши ҳақидаги миш-мишларни очиқ рад этди. Бу ҳақда playground.ru хабар беради.
Аввалроқ ишончсиз манбалар Microsoft сун’ий интеллект йўналишини тезлаштириш учун ходимларни оммавий қисқартиришга, жумладан ўйин бўлинмасида ҳам штатни камайтиришга бориши мумкинлигини да’во қилганди.
Сўнгги пайтларда интернетда Microsoft ва Xbox’га қарши кескин мунозаралар кучайиб, корпорацияга нисбатан нафрат уйғотишга урунувчи постлар ҳамда фейк хабарлар сони кўпайгани таъкидланмоқда. Айрим фойдаланувчилар компанияни маҳсулотларига сун’ий интеллектни фаол жорий қилаётгани учун танқид қилмоқда.
Шоу баёноти расмий вакил номидан оммага очиқ тарзда берилганини инобатга олсак, ҳар қандай интернетдаги гап-сўз ёки мақолага кўр-кўрона ишонмаслик кераклиги яна бир бор эслатилади.
Ма’лумот учун, 2026 йилда Xbox 25 йиллигини нишонлайди. Январда Xbox Developer Direct тақдимоти кутилмоқда: унда Halo: Campaign Evolved, Forza Horizon 6, Gears of War E-Day, Fable қайта ишга туширилиши, шунингдек Clockwork Revolution ва бошқа кутилмаган янгиликлар намойиш этилиши мумкин.