«Рома» Робиньо Ваз трансфери бўйича «Марсел» билан музокара олиб бормоқда
«Рома» ва «Марсел» ўртасида ҳужумчи Робиньо Вазнинг трансфери юзасидан музокаралар фаол босқичга кирди. Бу ҳақда журналист Жанлука Ди Марцио ўз манбасига таяниб хабар берди. Бу ҳақда euro-football.ru хабар беради.
Кўпроқ ўйин амалиётига эга бўлишни истаган 18 ёшли франсуз футболчига Германия ва Англиянинг бир қатор клублари ҳам қизиқиш билдирмоқда. Шу сабаб «Рома» жараённи тезлаштириб, «Марсел»нинг футболчи бўйича талабларига яқинлашишга ҳаракат қилмоқда.
Жорий мавсумда Ваз 19 учрашувда 4 та гол урди ва 2 та голли узатма амалга оширди. Transfermarkt портали Франциянинг ёшлар ва ўсмирлар терма жамоаларида ўйнаган футболчининг бозор қийматини 10 миллион евроқа баҳоламоқда.