Қиш қайтди: 22 январда қаерларда қор йоғади?
Унга кўра, Тошкент шаҳрида ҳаво ўзгарувчан бўлади. Кечаси ва эрталаб айрим пайтларда ёмғир қорга айланиши мумкин, кундузи эса ёғингарчилик кутилмайди. Шамол ғарбдан 5–10 м/с тезликда эсади. Ҳарорат кечаси 1–4 даража совуқ, кундузи 0–3 даража илиқ бўлади.
Қорақалпоғистон Республикасида ҳаво асосан булутли бўлади, ёғингарчилик деярли кутилмайди. Айрим ҳудудларда туман тушиши мумкин. Шамол ғарбдан 7–12 м/с, баъзи жойларда 15–20 м/с гача кучайиши эҳтимоли бор. Ҳарорат кечаси 8–13 даража совуқ, Устюртда 18 даража совуққача, кундузи 2–7 даража совуқ бўлади.
Хоразм вилоятида ҳаво булутли, баъзи жойларда қор ёғиши мумкин. Туман кузатилиши эҳтимолдан холи эмас. Шамол ғарбдан 7–12 м/с, айрим жойларда кучайиши мумкин. Ҳарорат кечаси 5–8 даража совуқ, кундузи 0–3 даража совуқ атрофида бўлади.
Бухоро ва Навоий вилоятларида ҳаво ўзгарувчан, вақт-вақти билан ёмғир ва қор ёғиши мумкин. Айрим ҳудудларда туман тушади. Шамол ғарбдан 7–12 м/с, баъзи жойларда 15–18 м/с гача кучаяди. Ҳарорат кечаси 4 даража совуқдан 1 даража илиққача, чўл ҳудудларда эса 8–10 даража совуқ, кундузи 1–5 даража илиқ бўлади.
Тошкент, Сирдарё, Жиззах ва Самарқанд вилоятларида ҳаво ўзгарувчан бўлиб, айрим жойларда ёмғир ва қор ёғиши мумкин. Эрталаб туман тушиши эҳтимоли бор. Шамол ғарбдан 7–12 м/с тезликда эсади. Ҳарорат кечаси 2 даража совуқдан 2 даража илиққача, кундузи 2–6 даража илиқ бўлади.
Қашқадарё ва Сурхондарё вилоятларида ҳаво булутли, баъзи жойларда ёмғир ва қор ёғиши мумкин. Айрим ҳудудларда туман тушади. Шамол ғарбдан 7–12 м/с, баъзи жойларда 15–18 м/с гача кучаяди. Ҳарорат кечаси 0–4 даража илиқ, кундузи 6–10 даража илиқ бўлади.
Андижон, Наманган ва Фарғона вилоятларида ҳаво ўзгарувчан, асосан ёғингарчилик кутилмайди, эрталаб туман тушиши мумкин. Шамол йўналишини ўзгартириб, шарқдан 5–10 м/с тезликда эсади. Ҳарорат кечаси 2–6 даража совуқ, кундузи 1–4 даража илиқ бўлади.
Республиканинг тоғли ҳудудларида ҳаво булутли бўлиб, айрим жойларда қор ёғади. Туман тушиши, йўлларда яхмалак ҳосил бўлиши мумкин. Қор кўчиши хавфи сақланиб қолади. Шамол шарқдан 7–12 м/с тезликда эсади. Ҳарорат кечаси 5–10 даража совуқ, кундузи 0–5 даража совуқ бўлади.
Қисқаси, 22 январь куни республика бўйлаб ҳаво қишона кайфиятда: айрим ҳудудларда қор, кўп жойларда совуқ ва туман. Йўлга чиқишда эҳтиёткор бўлиш тавсия этилади.м