Салемакерс «Милан»нинг «Рома» билан ўйинини ўтказиб юбориши мумкин
Бельгиялик ярим ҳимоячи Алексис Салемакерс Массимилиано Аллегри қўл остида «Милан»нинг энг муҳим футболчиларидан бирига айланди. Аввалги мураббийлар даврида унга бунча ишонч билдирилмаган бўлса-да, ҳозир у жамоанинг таянч ижрочиларидан сифатида кўрилмоқда. Бу ҳақда euro-football.ru хабар беради.
Бироқ «Милан»нинг навбатдаги учрашувида Салемакерс майдонга тушмаслиги эҳтимоли юқори. У жамоанинг ўтган ўйинида жароҳат олиб, баҳс якунланишига ўн дақиқа қолганида алмаштиришни сўраган.
Ҳозирча шифокорлар унинг якшанба куни А Сериянинг 22-турида «Рома»га қарши ўйинга қадар тикланишига ишонч билан қарамаяпти. Шундай экан, Аллегри энг яхши футболчиларидан бирисиз қолиб кетиши мумкин.