Анчелотти Бразилия терма жамоасидаги келажагини ҳал қилди
Машҳур мураббий Карло Анчелотти кейинги фаолияти бўйича якуний қарорга келди. Globo Esporte хабарига кўра, Бразилия футбол конфедерацияси ва мутахассис ўртасида шартномани узайтириш бўйича келишувга эришилган. Бу ҳақда euro-football.ru хабар беради.
Манбага кўра, Анчелотти янги битимни февраль ойида имзолаши кутилмоқда. Янги шартнома асосида италиялик мураббий Бразилия терма жамоасини 2030 йилги жаҳон чемпионати якунигача бошқаради.
Қайд этилишича, Бразилия томони яқинлашиб келаётган жаҳон чемпионатидаги натижалардан қатъи назар, Анчелотти билан ҳамкорликни давом эттириш ниятида. Шартномани узайтириш бўйича музокаралар октябрда бошланган ва ўтган йил охирига келиб анча фаоллашган. Энди эса қолган масала — ҳужжатлар ва бюрократик жараёнларни якунлаш.