Аргентинанинг қадимий клуби «Килмес» стадионни янгилашга кўмак сўради
Аргентинанинг энг қадимий клубларидан бири саналадиган «Килмес» 1887 йилда ташкил этилган. Тарихи бой жамоанинг мухлислари кўп, бироқ ҳозир клуб оғир даврни бошдан кечирмоқда. Бу ҳақда euro-football.ru хабар беради.
Шу сабаб раҳбарият стадионни қайта қуриш режасини эълон қилиб, ишқибозлардан ёрдам сўради. Гап одатдагидек хайрия ёки пул йиғиш ҳақида эмас — мухлисларга стадионга келиб, қўл меҳнати билан турли юмушларни бажариш таклиф қилинди.
Жанубий яримшарда жазирама ёз ҳукмрон бўлишига қарамай, «Килмес» ишқибозлари чақириққа фаол жавоб берди ва стадионни янгилаш ишларида қатнашишга тайёр эканини билдирди.