«Арсенал» Тимбер билан янги шартномага яқинлашди
Нидерландиялик қанот ҳимоячиси Юрриен Тимбер Лондоннинг «Арсенал» клуби билан келишув муддатини узайтиришга жуда яқин. Бу ҳақда инсайдер Николо Скира ижтимоий тармоқларда маълум қилди. Бу ҳақда euro-football.ru хабар беради.
Манбага кўра, «канонирлар» футболчи билан ҳамкорликни 2030 ёки 2031 йилгача чўзишни режалаштирмоқда. Микел Артета Тимберни юқори баҳолайди ва уни жамоа учун муҳим ижрочилардан бири деб билади.
Тимбер жорий мавсум АПЛда 21 та учрашувда майдонга тушиб, 2 та гол ва 3 та голли узатмани ўз ҳисобига ёздириб қўйди.
«Арсенал» Англия чемпионати турнир жадвалида пешқадам бўлиб турибди ва энг яқин таъқибчини 7 очкога ортда қолдирган.